by

Tumrees 8

ప్రేమ దొరకటమే
చాల కష్టం
జారవిడుచుకుంటే
చాల నష్టం
తర్వాత ఎంత
మదనపడినా
ఫలితం శూన్యం
మనం ప్రేమించే వ్యక్తి
దొరకేకంటే
మనల్ని ప్రేమించే వ్యక్తి
దొరకటంలో ఎంతో ఆనందం!

by

Tumrees 7

మౌనం
ఆరోగ్యానికి మంచిది కాదని.
అది మనసును
ఇంకా వ్యధల్లోకి నెట్టివేస్తుందని తెలుసుకో
స్నేహాన్ని వదులుకుంటే
ఆ బాధ తీర్చాలంటే
ఎవరి తరం కాదు.
by

Tumrees 4

kapila raamkumar Tumrees 4

మనసులోనే

మదనపడకు

మనసున్న వారితో

అరమరికలేక

మనసు విప్పుకో!
తేలిక పడుతుంది
దిగులు
పారిపోతుంది
స్వాంత్వన కలిగి
మది తేలిక పడుతుంది!
లోలోపలే ఆణచి వేస్తే
సరిచేయలేని
కణితౌవుతంది
మనసును కృంగతీస్తుంది

by

కపిల రాంకుమార్ || లే – కదులు ఆవాజ్ దో! ||

కపిల రాంకుమార్ || లే – కదులు ఆవాజ్ దో! ||
పాటు పడేవాడికి
సాపాటులేదు!
పోటు పొడిచే వారందరికి
కూటికి కొదువలేదు!
కష్టం చేసి దాచుకున్నా
కన్నం వేసి దోచుకునే వాళ్ళే ఎక్కువ
ప్రతీ అర – క్షణం
అరక్షణంగా
బతుకీడ్చేలోకంలో
నీతి నిజాయితి ఒట్టి కాకమ్మ కబుర్లే
గోడల మీద రాతలే కాని
మెదడులోకి మాత్రం దూరవ్
అడగాలంటే భయం
అడుగు వేయాలంటే భయం
అడుగుకి పడిపోతున్నామంటే లేదు
అభయహస్తం!
సామెతలు ఎన్నో వున్నా
అవి ఇవాళ ఔట్ డేటెడ్
ఉపయోగించావా
ఎట్రాసిటీ కేసు
నీ మెడకు చుట్టుకున్నట్టే
సుద్దులు చెప్పలేవు,
బుద్ధులు చెప్పలేవు
పెద్దల మాట వెనకటికి చద్దిమూటే కాని
నేడు కుదరదు
నీ మాటవినే వాడెవ్వడూ లేడు!
వద్దన్న పనే చేస్తారు
బోర్ల పడ్డా,
దెబ్బలు తిన్నా
ఆ ఊబిలోంచి బయటకు రారు
మళ్ళీ అవే పొరపాట్లు
చేస్తూనేవుంటారు
సంఘటనలకు
ఏదో మొక్కుబడికి స్పందించినా
పునరావృమవుతున్నా
పట్టించుకోని సర్కారులాగ మౌనం వహిస్తూ
నేరాన్ని ప్రోత్సహిస్తారే కాని
జాగు చేస్తూనేవున్నారే కాని
నివారించడానికి కదుల్తలేరు
నేత బాగాలేదు సరే,
నేతన్నల బతుకే బాగాలేదని తెలుసా!
నేతలకు పట్టడంలేదేమని అడిగావా!
జరుగుతున్న అన్యాయాలెన్నో,
అకృత్యాలెన్నో
అరాచకాలెన్నో
మౌన ప్రేక్షకుడిలా
ఎన్నాళ్ళుంటావ్
కుళ్ళు కంపు కొడుతున్నా
కళ్ళప్పగించి చూస్తావేగాని
పూచికముల్లు స్పర్శకూడ తెలియని
మంద చర్మమా నీది!
మూగ నోము వీడు
జనం ఘోష చూడు
మనిషీ మేలుకో
తిరిగబడే గొతులతో
పిడికిళ్ళతో
సామూహిక యాత్రలో
కదం కదుపు
లేక పోతే చరిత్ర హీనుడవే
యదార్థ వాది లోక విరోధి అన్నారని
సత్యాన్ని వెలుగులోకి రాకుండా చేస్తావా!
లే!…కదులు!
ఆవాజ్ దో!
24.1.2017
(విమల సాహితి సమితి – త్యాగరాయ గానసభ హైదరబాద్‌ – కవిసమ్మేళనంలో చదివినది)

by

కపిల రాంకుమార్‌ || టుమ్రీలు 4 -జనవరి ||

కపిల రాంకుమార్‌ || టుమ్రీలు  4 -జనవరి ||
నీ ‘ అడుగు ‘
అట్టడుగెందుకయ్యిందని
అడుగు!
**
విసుగు చూపటం కాదు
కసిగా గురిచూసి
మసిచేయటమే లక్ష్యం కావాలి
**
నిజాలు తెలిసినా
అహాలు వీడని బతుకెందుకు
నిజం నిప్పైనపుడు
మోహాల్ని కాల్చదెందుకు !
**
దుందుడుకు కాదు
దుముకే అడుగులో స్పష్టతుండాలి
కనిపించేది శత్రువు కాదు
అందలంలో దాక్కుంది చూడు!
**
శకునం చూసే కదిలాడు
పిచ్చిది దానికేం తెలుసు
పిక్కపట్టింది
తిక్క కుదిరింది!
**
అలవాటు పడ్డవాళ్ళు,
అలవోకగానే పెడ్డలేస్తారు
బులపాటం తీరగానే
అలకలు పూనుతారు!

జనవరి 10, 2017 ఉదయం 10.23

by

కపిల రాంకుమార్‌ || టుమ్రీలు – 3 ||

కపిల రాంకుమార్‌ || టుమ్రీలు – 3 ||
గొడుగు
అభయం
పడగ
భయం
**
నీడ
వెంటాడుతుంది
గోడ
వెన్నంటివుంటుంది
**
పెదవి
అందం
పదవి
గండం
**
రవి
ఎవరికి అందడు
పైరవి
అందుకుంటాడు
**
కవి కలం
రైతు హలం!
రౌతు శూలం
దేశానికి బలం!
**
అద్దం
అబద్ధం చెప్పదు !
నీ రూపాన్నే
అచ్చుగుద్దుతుంది!
**
అరువు
వస్త్రం కంటే
స్వంత
గొంతే శస్త్రం!
**
చెప్పేటప్పుడు
బాగానే వుంటది!
అప్పచెప్పేటప్పుడే
బాధగా వుంటది !
**
గోడపై
కబుర్లాడమంటే
ఇదే సందనుకుని
పిడకలెందుకొడతార్రా!
**
రాతి దెబ్బ
మాయమౌతుంది!
రాత దెబ్బ
గాయమౌతుంది!
**
ధాన్యంలో
మెరిక(గ)లు ఏరీ పారెయ్యాలి!
పిల్లల్లో
మెరికలు ఏరి పెట్టుకోవాలి!
**
మంచు పడితే
బిగిసి పోవటం ఖాయం!
మరీ ముంచబడితే
ముగిసిపోయేది కాయం!
**
24.12.2016

by

కపిల రాంకుమార్|\ లేటెస్ట్‌ పోయెం ||

కపిల రాంకుమార్|\ లేటెస్ట్‌ పోయెం ||
బేస్‌లెస్‌ ఐడియాల
యూస్‌లెస్‌ విధానాల
బినామీల కాలంలో
సునామీలా నోట్లొచ్చి
తినేకంచంల మన్నువడి
నడిచేదారంట ముళ్ళై
ఎగదీస్తే ఒక ( గో ) హత్య
దిగదీస్తే మరో ( బ్రహ్మ )హత్య
మరణాలు తోరణాలై
నిరశన వెల్లువై
జనం ఘోషీంచినా
మన్ను తిన్నపామురా
సర్కారు – చెవులుండవ్‌ కదా!
గంతలు కట్టుకున్న న్యాయమూర్తిరా
నిజాలు చూడదు
తీర్పు చెప్పటానికిఎ
కూట సాక్ష్యాలే అధారం
న్యాయం జరగొచ్చు
న్యాయమే తొలగిపోవచ్చు
దేశం దాటి్పోయినవెలాగూ రావు
ఉన్నవాటిని ఉప్పు పాతరవేసి
ఊతప్పం ఆరగించే వాళ్ళకి
ఆకలి మంటలెలా తెలుస్తాయ్‌ కాని
జనాక్రోశపు సెగలో చలి కాచుకుంటూ
రోజుకో ప్రకటనతో కాలక్షేపం చేస్తూ
జవాబు చెప్పలేక
చట్ట సభల్లో సాకులెతుకుతున్నారా
తిరుగుబాటు రాకుండా
అధికారం తరిగిపోకుండా
ప్రజాస్వామ్యం నిలబెట్టేలా
భేషజాలు వీడి
మా కళ్లతో చూడకపోతే
పుట్టగతులుండవ్‌
తదుపరి మీ యిష్టం
వృద్ధులు లెక్కలేదు
శిశువులు లెక్కలేదు
మరణించే మహిళలు లెక్కలేదు
అంబానీల అప్పచెప్పే
లెక్కలే ముఖ్యమైతే
వచ్చే సమరంలో
ఈ అంబారీ దొరకదు తెలుసుకోండి

22 నవంబర్‌ 2016 ఉ. 9.19

by

కపిల రాంకుమార్ || ఆంక్షలా ||

కపిల రాంకుమార్‌ || ఆంక్షలా||

వివాహాల ఖర్చుల విత్‌ డ్రాపై ఆంక్షలా ?
గత జల సేతు బంధనాలా ?
వాస్తవాలు గ్రహించరా! వడ్డనలు మానరా!
జనాలమీద వృత్తి పన్ను బాదుడా?
మోడీ మోతల్లో కొత్త ఆయుధాలెన్నెన్నో!
క్యూలో నిలబడ్డా ఫలితం శూన్యాలా!
కొంతమందికి యింటివద్దకే మాన్యాలందేలా సేవలా?
ఆన్నీ ఆన్‌ లైన్లోనే
మోసాలకు తెరంగేట్రాలా!
22.11.2016